សណ្ឋាគារអង្គរ ប៉ារាឌី ខេត្តសៀមរាប៖ ថ្ងៃអង្គារ ១០ កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែកញ្ញា ឆ្នាំ២០២៥ លេខាធិការដ្ឋានសម្ព័ន្ធភាព CPDD បានរៀបចំសិក្ខាសាលាតម្រង់ទិសរយៈពេល ៣ថ្ងៃ នៅថ្ងៃទី ០២ ដល់ ០៤ ខែកញ្ញា ឆ្នាំ ២០២៥ កិច្ចប្រជុំពិភាក្សានេះមានគោលបំណងសំខាន់ដូចខាងក្រោម៖ ដើម្បីធ្វើបច្ចុប្បន្នភាពព័ត៌មានអំពីកម្មវិធីជំនួយខ្នាតតូចនៃមូលនិធិបរិស្ថានពិភពលោក និងដើម្បីផ្តល់នូវគោលការណ៍ណែនាំការគ្រប់គ្រងគម្រោងដែលផ្តោតលើ អនុស្សរណៈនៃកិច្ចព្រមព្រៀងគម្រោង និងការគ្រប់គ្រងហិរញ្ញវត្ថុ ការគ្រប់គ្រងផ្អែកលើលទ្ធផលរួមមានការរាយការណ៍ និងបណ្តាញដៃគូអនុវត្តន៍កម្មវិធីជំនួយខ្នាតតូចនៃមូលនិធិបរិស្ថានពិភពលោក។ ក្នុងសិក្ខាសាលាតម្រង់ទិសនេះមានការអញ្ជើញចូលរួមពី ម្ចាស់ជំនួយ (Donor) អង្គការដៃគូអនុវត្តន៍គម្រោង(IPs) និងគណៈកម្មាធិការជាតិ (NSC) សរុបចំនួន ៤១នាក់ ស្រីចំនួន ១៥នាក់។

ការិយាល័យសម្ព័ន្ធភាព CPDD៖ នារសៀលថ្ងៃពុធ ១៤ កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែកក្កដា ឆ្នាំ២០២៥ អង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ (សម្ព័ន្ធភាព CPDD) បានចុះហត្ថលេខាលើអនុស្សារណៈយោគយល់ជាមួយក្រុមហ៊ុន Thankscarbon សម្រាប់ការអនុវត្តគម្រោងក្នុងខេត្តទាំងបីរួមមានខេត្តតាកែវ ខេត្តកំពង់ស្ពឺ និងខេត្តពោធិ៍សាត់។ ដែលមានសមាសភាពចូលរួមពីក្រុមការងារThanksCabon ក្រុមហ៊ុនផលិតជី និងលេខាធិការដ្ឋាន CPDD សរុបចំនួន ៦នាក់ (ស្រី ១នាក់) ការចុះហត្ថលេខានេះមានគោលបំណង(១)​ដើម្បីលើកកម្ពស់វិស័យកសិកម្មប្រកបដោយនិរន្តរភាព និងកាត់បន្ថយការប្រែប្រួលអាកាសធាតុ​ (២)​ការដាំដុះស្រូវដែលបញ្ចេញឧស្ម័នតិច និងបង្កើតឥណទានកាបូន ស្របតាម NDC របស់កម្ពុជា និងអាទិភាពកសិកម្មអាកាសធាតុឆ្លាតវៃ(៣)​ដើម្បីប្រមូលព័ត៌មានមួយចំនួនពីក្រុមហ៊ុនឯកជនដែលផ្គត់ផ្គង់ជីសរីរាង្គ ឬជីគីមី ស្របតាមគោលបំណងនៃកិច្ចប្រជុំភាគីទាំងពីរបានយល់ព្រមសហការលើការអនុវត្តគម្រោងឥណទានកាបូនបច្ចេកវិទ្យាស្ងួត សើម-AWD នៅខេត្តតាកែវ ខេត្តកំពង់ស្ពឺ និងខេត្តពោធិ៍សាត់ ប្រទេសកម្ពុជា។

នាព្រឹកថ្ងៃសុក្រ ៩ កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៤ ខែកក្កដា ឆ្នាំ២០២៥ អង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ (សម្ព័ន្ធភាព CPDD) បានជួបសំណេះសំណាល និងចុះហត្ថលេខាលើអនុស្សារណៈយោគយល់ជាមួយមន្ទីរកសិកម្មខេត្ត ដែលប្រព្រឹត្តនៅ​មន្ទីរកសិកម្ម រក្ខាប្រមាញ់ និងនេសាទខេត្តពោធិ៍សាត់ ដែលមានសមាសភាពចូលរួមពីមន្ទីរកសិកម្ម លេខាធិការដ្ឋាន CPDD និងអង្គការពន្លឺកុមារ (PK) សរុបចំនួន ១៣នាក់ (ស្រី ៥នាក់) ជំនួបសំណេះសំណាល និងចុះហត្ថលេខានេះមានគោលបំណង (១) បង្កើតកិច្ចសហការ យុទ្ធសាស្ត្ររវាងភាគីដឹកនាំ និងអនុវត្តន៍គម្រោងជាមួយនឹងស្ថាប័នរដ្ឋាភិបាលនៅថ្នាក់ខេត្ត មន្ទីរកសិកម្ម រុក្ខាប្រមាញ់ និងនេសាទ ដើម្បីគាំទ្រការអភិវឌ្ឍវិស័យកសិកម្មប្រកប ដោយចីរភាពតាមរយៈបច្ចេកវិទ្យា​AWD និងបានស្វែងយល់អំពីតួនាទី និងការទទួលខុសត្រូវរបស់ភាគីនីមួយៗក្នុងការអនុវត្តគម្រោង (២)- ផ្តល់ព័ត៌មានអំពីគម្រោង "ឥណទានកាបូនបច្ចេកវិទ្យាស្ងួត សើម-AWD" ដល់កសិករដើម្បីបង្កើនការយល់ដឹង និងការចូលរួមរបស់កសិករនៅតំបន់គោលដៅ ក្នុងការអនុវត្តបច្ចេកវិទ្យាថ្មីសម្រាប់កសិកម្មប្រកបដោយចីរភាព និងរកប្រាក់ចំណេញពីឥណទានកាបូន ស្របតាមគោលបំណងនៃស្មារតីនៃកិច្ចប្រជុំ ​មន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់បានឯកភាពចុះអនុស្សារណៈយោគយល់ជាមួយនឹងសម្ព័ន្ធភាព CPDD ដើម្បីអនុវត្តន៍គម្រោងនៅខេត្តពោធិ៍សាត់

នាព្រឹកថ្ងៃព្រហស្បតិ៍ ៨ កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣ ខែកក្កដា ឆ្នាំ២០២៥ អង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ (សម្ព័ន្ធភាព CPDD) បានជួបសំណេះសំណាល និងចុះហត្ថលេខាលើអនុស្សារណៈជាមួយ​មន្ទីរកសិកម្មខេត្តកំពង់ស្ពឺ នៅមន្ទីរកសិកម្ម រក្ខាប្រមាញ់ និងនេសាទខេត្តខេត្តកំពង់ស្ពឺ ដែលមានសមាសភាពចូលរួមពីមន្ទីរកសិកម្ម លេខាធិការដ្ឋាន CPDD និងសមាគមអភិវឌ្ឍន៍ស្ត្រីកម្ពុជា (CWDA) សរុបចំនួន ១៤នាក់ (ស្រី ១នាក់) ជំនួបសំណេះសំណាល និងចុះហត្ថលេខាមានគោលបំណង (១) បង្កើតកិច្ចសហការ យុទ្ធសាស្ត្ររវាងភាគីដឹកនាំ និងអនុវត្តគម្រោងជាមួយនឹងស្ថាប័នរដ្ឋាភិបាលនៅថ្នាក់ខេត្ត មន្ទីកសិកម្ម រុក្ខាប្រមាញ់ និងនេសាទ ដើម្បីគាំទ្រការអភិវឌ្ឍន៍វិស័យកសិកម្មប្រកប ដោយចីរភាពតាមរយៈបច្ចេកវិទ្យា​AWD និងបានស្វែងយល់អំពីតួនាទី និងការទទួលខុសត្រូវរបស់ភាគីនីមួយៗក្នុងការអនុវត្តគម្រោង (២)- ផ្តល់ព័ត៌មានអំពីគម្រោង "ឥណទានកាបូនតាមរយៈបច្ចេកវិទ្យា បង្គោក ពន្លិច ឆ្លាស់- AWD" ដល់កសិករដើម្បីបង្កើនការយល់ដឹង និងការចូលរួមរបស់កសិករនៅតំបន់គោលដៅ ក្នុងការអនុវត្តបច្ចេកវិទ្យាថ្មីសម្រាប់កសិកម្មប្រកបដោយចីរភាព និងរកប្រាក់ចំណេញពីឥណទានកាបូន (៣) វាយតម្លៃស្ថានភាពប្រព័ន្ធស្រោចស្រព ទឹកនៅតំបន់គោលដៅ […]

នាព្រឹកថ្ងៃពុធ ៧ កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែកក្កដា ឆ្នាំ២០២៥ អង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ (សម្ព័ន្ធភាព CPDD) បានជួបសំណេះសំណាល និងចុះហត្ថលេខាលើអនុស្សារណៈជាមួយ​មន្ទីរកសិកម្មខេត្តតាកែវ នៅមន្ទីរកសិកម្ម រក្ខាប្រមាញ់ និងនេសាទខេត្តតាកែវ ដែលមានសមាសភាពចូលរួមពីមន្ទីរកសិកម្ម លេខាធិការដ្ឋាន CPDD និងអង្គការ VCAO សរុបចំនួន ១០នាក់ (ស្រី ១នាក់) ជំនួបសំណេះសំណាល និងចុះហត្ថលេខាមានគោលបំណង (១) បង្កើតកិច្ចសហការ យុទ្ធសាស្ត្ររវាងភាគីដឹកនាំ និងអនុវត្តគម្រោងជាមួយនឹងស្ថាប័នរដ្ឋាភិបាលនៅថ្នាក់ខេត្ត មន្ទីកសិកម្ម រុក្ខាប្រមាញ់ និងនេសាទ ដើម្បីគាំទ្រការអភិវឌ្ឍន៍វិស័យកសិកម្មប្រកប ដោយចីរភាពតាមរយៈបច្ចេកវិទ្យា​AWD និងបានស្វែងយល់អំពីតួនាទី និងការទទួលខុសត្រូវរបស់ភាគីនីមួយៗក្នុងការអនុវត្តគម្រោង (២)- ផ្តល់ព័ត៌មានអំពីគម្រោង "ឥណទានកាបូនតាមរយៈបច្ចេកវិទ្យា បង្គោក ពន្លិច ឆ្លាស់- AWD" ដល់កសិករដើម្បីបង្កើនការយល់ដឹង និងការចូលរួមរបស់កសិករនៅតំបន់គោលដៅ ក្នុងការអនុវត្តបច្ចេកវិទ្យាថ្មីសម្រាប់កសិកម្មប្រកបដោយចីរភាព និងរកប្រាក់ចំណេញពីឥណទានកាបូន (៣) វាយតម្លៃស្ថានភាពប្រព័ន្ធស្រោចស្រព ទឹកនៅតំបន់គោលដៅ […]